აღნიშნულ ონლაინ პლატფორმას საფუძველი ჩაეყარა დავით აღმაშენებლის სახელობის ვენის ქართული საკვირაო სკოლის მასწავლებლის მაკა ხომერიკის ინიციატივით და განხორციელდა ნოდარ აბრამიშვილის(SOFT MASTER) მიერ. ის პირველ ეტაპზე მიზნად ისახავდა საკვირაო სკოლის ბავშვების მხარდაჭერას, რომლებიც სწავლობენ ქართულ ენას და იყვნენ გაჩერებული ასობგერა "ქ"-ზე იზოლაციის პირობებში გაეგრძელებინათ ანბანის შესწავლა ონლაინ რეჟიმში. იქიდან გამომდინარე, რომ პლატფორმაზე მოთხოვნა საკმაოდ მაღალი არის ასევე სხვა მომხმარებლებისგან, მივიღეთ გადაწყვეტილება უფრო განვავითაროთ პროექტი და უფრო ფართო სპექტრი მოვიცვათ, თუმცა პრიორიტეტად რჩება საკვირაო სკოლის მოსწავლეების მხარდაჭერა. ამ ეტაპზე უკვე დაემატა მთავარი გვერდი, რომელშიც მოცემულია სხვადასხვა მიმართულების და სირთულის დავალებები. რათქმაუნდა იგეგმება ქართული ანბანის სრულად ინტეგრირება და ასევე სხვა საინტერესო სავარჯიშოების დამატება. აქტიური სავარჯიშოები აღნიშნულია ღია მწვანე ფერით. საიტზე მოქმედებს ასევე მესენჯერი, რომლის საშუალებითც შეგიძლიათ დაგვიკავშირდეთ, მოგვაწოდოთ თქვენი შეფასებები, შენიშვნები და ასევე სურვილები რა სახის დავალებების დამატებას ისურვებდით საიტზე. შეგიძლიათ ასევე მოგვაწოდოთ მასალები სავარჯიშოებიშთვის, თუ ისინი პლატფორმის ფორმატისთვის მისაღები და ტექნიკურად შესაძლებელი იქნება აუცილებლად დავამატებთ. გმადლობთ, რომ სარგებლობთ ჩვენი პლატფორმით და გისურვებთ წარმატებებს.
მენიუში "სავარჯიშოები" არის დავალებების სარჩევი, თუმცა ჯერჯერობით ყველა აქტიური არ არის. სავარჯიშოები რომლებიც უკვე ინტეგრირებულია სისტემაში აღნიშნულია ღია მწვანე ფერით. საწყის ეტაპზე მოცემულია მხოლოდ რამოდენიმე სავარჯიშო პატარებისთვის, მაგრამ სისტემატიურად დაემატება ახალი დავალებები. ყოველ მომხმარებელს შეუძლია შეასრულოს მოცემული დავალებები და დააგროვოს შესაბამისი ქულები, პლატფორმა ავტომატურად აფასებს შედეგებს, რთული არლორითმის დახმარებით გაძლევთ ინფორმაციას სწორად არის თუ არა შესრულებული დავალება, არასწორი პასუხის შემთხვევაში გიჩვენებთ რომელი პასუხი იყო სწორი და რამდენი ქულა დააგროვეთ მაქსიმალური ქულების რაოდენობიდან. პასუხი დაფიქსირების შემდეგ მისი შეცვლა არ შეიძლება, თუმცა შეიძლება თავიდან დაწყება ღილაკის საშუალებით, სისტემა გაანულებს თქვენს შედეგებს და შეძლებთ განმეორებით შეასრულოთ სავარჯიშოები. თქვენი პერსონალური ინფორმაცია არ ინახება მონაცემთა ბაზაში, თუმცა სურვილის შემთხვევაში შეგიძლიათ შედეგის ჩამოტვირთვა და შენახვა. თქვენი სახელი და გვარი, რომლის ჩაწერასაც გთხოვთ სისტემა გამოიყენება მხოლოდ ფაილის სახელის გენერირებისთვის, რომელიც ჩამოიტვირთება თქვენს პესრონალურ ელექტრონულ მოწყობილობაზე (კომპიუტერი, ტელეფონი და სხვა) გისურვებთ წარმატებებს ;)
*სავარჯიშოების შესრულების შემდეგ ღილაკის საშუალებით შეძლებთ შედეგის ჩამოტვირთვას PDF ფორმატში o გთხოვთ ჩაწეროთ თქვენი სახელი და გვარი !!!მხოლოდ არსებული დავალების შედეგების შენახვაა შესაძლებელი !!!
